حوزہ نیوز ایجنسی کی رپورٹ کے مطابق، یوماللہ 22 بہمن پر غیور ایرانی قوم کی شاندار موجودگی اور انقلاب اسلامی کی سینتالیسویں بہار کی مناسبت سے دہہ فجر کی مرکزی ستاد کی مسجد کمیٹی کے سربراہ، وزیرِ ثقافت و اسلامی ارشاد کے مشیر اور ملک بھر کے مساجد کے ثقافتی و فنی کانونز کی رابطہ کمیٹی کے سربراہ حجت الاسلام والمسلمین علی ملانوری نے ایک پیغام جاری کر کے ایرانی قوم بالخصوص مسجد سے وابستہ افراد کا شکریہ ادا کیا۔ ان کے اس پیغام کا متن درج ذیل ہے:
بسم اللہ الرحمن الرحیم
یوماللہ 22 بہمن کے موقع پر عظیم اسلامی ایران کی قوم کی پرشکوہ اور کثیر موجودگی ان کی ولایت، مقام معظم رہبری سے گہرے عشق اور ایرانِ اسلامی سے ان کی مضبوط وابستگی کا روشن مظہر تھی جس نے ایک بار پھر قوم کے انقلاب اسلامی، ولایت اور وطن سے محکم رشتے کو نمایاں کر دیا۔
یہ پرجوش اور باشعور شرکت جو معزز شہداء کے خاندانوں، باایمان نوجوانوں، مساجد کے ثقافتی و فنی کانونز کے فعال اراکین اور معاشرے کے مختلف طبقات کی وسیع شمولیت کے ساتھ انجام پائی، عالمی سطح پر انقلاب اسلامی اور امام راحل رحمۃ اللہ کے اہداف سے ایرانی قوم کی بصیرت، استقامت اور وابستگی کا واضح پیغام تھا۔
مساجد ہمیشہ عظیم عوامی اور انقلابی تحریکوں کا مرکز رہی ہیں اور اس عظیم اور شاندار دن پر بھی مسجد کے فرزندوں نے ذمہ دارانہ اور مضبوط موجودگی کے ساتھ ملک کے فیصلہ کن مناظر میں اپنا مؤثر کردار ثابت کیا۔
میں ایک بار پھر بابصیرت ایرانی قوم کی دشمن شکن اور باشعور شرکت اور ملک بھر کی مساجد کے ثقافتی و فنی اداروں کے کارکنان اور اراکین کا دلی شکریہ ادا کرتے ہوئے انہیں مبارکباد پیش کرتا ہوں اور بارگاہِ الٰہی سے ایرانِ اسلامی کی مزید عزت، اقتدار اور سربلندی کی دعا کرتا ہوں۔
علی ملانوری
آپ کا تبصرہ